Xəzər Universitetinin Hasvet Baytarlıq Təbabəti fakültəsinin “Baytarlıq təbabəti” departamentinin müəllimi Vüsal Abbasov biologiya ixtisası üzrə fəlsəfə doktoru (PhD) elmi dərəcəsi alıb
Xəzər Universitetinin akademik heyətinin elmi potensialının gücləndirilməsi istiqamətində növbəti uğurlu addım atılmışdır. Xəzər Universitetinin Hasvet Baytarlıq Təbabəti fakültəsinin "Baytarlıq təbabəti" departamentinin gənc və perspektivli müəllimi Vüsal Abbasov, biologiya elmləri sahəsində apardığı fundamental tədqiqatlarını uğurla tamamlayaraq, Biologiya üzrə fəlsəfə doktoru (PhD) elmi dərəcəsinə layiq görülmüşdür.
Vüsal Abbasovun elmi fəaliyyəti müasir biologiyanın prioritet istiqamətlərini əhatə etməklə yanaşı, həm də baytarlıq təbabəti ilə kəsişən multidissiplinar sahələrdə mühüm əhəmiyyət kəsb edir. Onun əldə etdiyi bu elmi nailiyyət fakültənin tədris keyfiyyətinin yüksəldilməsinə, elmi-tədqiqat laboratoriyalarının fəaliyyətinin genişləndirilməsinə və beynəlxalq elmi bazalarda universitetin nüfuzunun artmasına xidmət edəcəkdir. Bu uğur, eyni zamanda Xəzər Universitetinin baytarlıq təhsili sahəsində yüksək ixtisaslı kadr hazırlığına verdiyi önəmin göstəricisidir.
